تصرفات البنات داخل البيت وخارجه

مرــحـ ــباً

تصرفات البنت جوا البيت وما ادرااك ما جوا البيت

جوا
البيت : اذا اخوها الصغير قرب عليها بتروح مازعتوا هداك الكف عاميه
ضووه<< عاد المسكين كان بس بدو يدور على حفايته تحت الكنابية الي هي
قاعدة عليها.

برا البيت : اذا صاحبتها او واحد من صحابها جايب
ولد صغير بتبلش يا حبيبي ويا عمري وما ازكاك وتقرصه من خدوده<< وعاد
الولد بتكون ريالته معبه اواعيه وجه معبى شوكلاتة وبوظة......زي كأنها ما
بعمرها شايفة ولد صغير ...(لا حول ولا قوة الا بالله ) واخوها المسكين اذا
شافها بتعمل هيك راح يفقد عقله ويحكي انو اخته انجنت..

**الاكل**

جوا
البيت : يا حبيبي عليكم اذا امها طابخة طبخة بتحبها (ملوخية
مثلا).....بتروح خالعة 3 صحون ومرات 4 مع فخدة وسفينةن..والاكل معبي
الطاولة بتكون زي كاينة عاملة طوشة مع الصحن ....الملوخية في كل مكان
...انتشار واسع وقصف عشوائي

برا البيت : حكولها تعالي تفضلي
على الاكل بتكون الطبخة ملوخية كمان ...بتحكي لأ لأ والله انا مو جوعانة
متألة على الفطور ماكلة شأفة خبزة مع كاسة حليب..... واذا اصروا عليها
بتحط ملوخية لحالها بدون رز على اساس انه الرز بينصح وهي معتنية بصحتها
كتير وبتحب تضل خفيفة.

**الريحة**

جوا البيت : امها
وابوها واخوها والجيران بيكون بيقنعوها انها تتحمم او تغير البجامة الي
عليها لانه الريحة الي طالعة منها حرمت الناموس يفوت على الدار....والدبان
قرفان منها....يعني لو تضل كمان يوم هيك ممكن تكون السبب بعمل ثقب بالاوزون

برا
البيت : الله وكيلكم امها مش ملحقة عليها قناين عطر ومزيلات عرق...كل
يومين بدها علبة مزيل عرق....الي بيمرق من جنبها والي بيقعد حدا بيقضيها
مسطول من الريحة وبتضل الريحة علقانة بمناخيره لدرجة انه بيبطل يميز ريحة
الم....لة من ريحة الورد...عدمت حاسة الشم عنده .

**الحكي والصوت**

جوا
البيت : اذا بدها تنادي على اخوانها يلا على الاكل او الغدا بيجوز الي
بالحارة التانية بيفكروا حالهم معزومين على الغدا من كتر ما صوتها بيكون
يرن رن بالدار ويا حبيبي اذا حدا غلط وخربلها اشي على الضمان لتقطع خلفه
بهداك الصوت الي بدها تخلعه اياه.

برا لبيت : اذا كانت برا
البيت وقاعدة بتحكي بموضوع مع صاحباتها وفي شباب حواليها يادوب يادوب تسمع
صوتها وبين كل كلمة وكلمة في كلمة انجليزي ويا عمري اذا كانت بتعرف
فرنسينقرتين ..انسى انك مش راح تفهم اشي وراح تطلع حمار قبالها يعني ولا
دلع نانسي بالحكي وحركة شفايف اليسا.

**واخر شي الضحكة **

جوا البيت : اذا ضحكت بالبيت بتكون ....اهاهاهاهاها اخ اخ هاها هوهو هو هي اخ اخ ...بعدين بتصير اذا ضحكت تعبي الي حواليها بزاقة.
برا البيت : هاها .....ها طبعا بتكون حاطة اصبعين على تمها بس تضحك......اتيكيت.

ههههههههه و الله معك حق في كل كلمة

هههههههه لهـ يا كبير

ههههههههههه اه والله يا كبير هيك البنات بشكل عام

هههههههههههه

مشكور على المرور

» حب البنات أصدق من الشباب
» الفرق بين كمبيوتر البنات والشباب
» لماذا يتباهى الشباب بكثرة علاقاتهم مع البنات ؟؟
» كوابيس البنات مخيفة أكثر من كوابيس الأولاد !!